ಬಿಬಿಎಂಪಿ ವಾರ್ಡ್ ಪುನರ್ ವಿಂಗಡಣೆ -“ಕೈ” ನಾಯಕರು ಟೆನ್ಷನ್-“ಕಮಲ”ಕಲಿಗಳು ಫುಲ್ ರಿಲೀಫ್…

0

ಬೆಂಗಳೂರು:ಮುಂಬರುವ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ಚುನಾವಣೆಗೆ ವೇದಿಕೆ ಅಣಿಗೊಳಿಸಬೇಕಿರುವ ಹಿನ್ನಲೆಯಲ್ಲಿ  ಬಿಬಿಎಂಪಿಯ 198 ವಾರ್ಡ್‌ಗಳನ್ನು 2011ರ ಜನಗಣತಿಗೆ ಅನುಗುಣವಾಗಿ ಪುನರ್‌ ವಿಂಗಡಿಸಿ ನಗರಾಭಿವೃದ್ಧಿ  ಇಲಾಖೆ ಅಧಿಸೂಚನೆ ಹೊರಡಿಸಿದೆ.

45 ಸಾವಿರ ಜನಸಂಖ್ಯೆಯನ್ನು ಮಾನದಂಡವನ್ನಾಗಿಟ್ಟುಕೊಂಡು ವಾರ್ಡ್ ಗಳ ಪುನರ್ ರಚನೆ ಮಾಡಲಾಗಿದೆ.2001 ರ ಜನಗಣತಿ ಅನ್ವಯ ಬೆಂಗಳೂರಿನಲ್ಲಿದ್ದ 58,40,155 ಜನಸಂಖ್ಯೆ ಮೇಲೆ 198 ವಾರ್ಡ್ ಗಳನ್ನು ಮಾಡಲಾಗಿತ್ತು.ಈಗ 2019ರ 84,43,675 ಜನಗಣತಿ ಆಧರಿಸಿ 198 ವಾರ್ಡ್ ಗಳನ್ನು ರಚಿಸಲಾಗಿದೆ.ವಾರ್ಡ್ ಗಳ ನಡುವಿದ್ದ ಅಸಮತೋಲನವನ್ನು ದೂರ ಮಾಡುವ ಪ್ರಯತ್ನವನ್ನು ನಗರಾಭಿವೃದ್ಧಿ ಇಲಾಖೆ ಮಾಡಿರುವುದಾಗಿ ಘೋಷಿಸಿದೆ.ಆದ್ರೆ ಪುನರ್ ರಚನೆ ವೇಳೆ ಕೈ ಶಾಸಕರ ಕ್ಷೇತ್ರಗಳಲ್ಲಿನ ವಾರ್ಡ್ ಗಳನ್ನೇ ಕಡಿತಗೊಳಿಸುವ ಕೆಲಸಕ್ಕೆ ಬಿಜೆಪಿ ಸರ್ಕಾರ ಕೈ ಹಾಕಿದೆ ಎಂಬ ಆಪಾದನೆ ಕೂಡ ಕೇಳಿಬಂದಿದೆ.ವಾರ್ಡ್ ಗಳನ್ನು ತಮಗಿಷ್ಟ ಬಂದ ರೀತಿಯಲ್ಲಿ ಪುನರ್ ರಚಿಸಿ ಮುಂಬರುವ ಬಿಬಿಎಂಪಿ ಚುನಾವಣೆಯಲ್ಲಿ ಅಧಿಕಾರವನ್ನು ಅನಾಯಾಸವಾಗಿ ಹಿಡಿಯಬೇಕೆನ್ನುವ ಉದ್ದೇಶದಿಂದ ಪುನರ್ ರಚನೆ ಮಾಡಲಾಗಿದೆ ಎಂದು ಕಾಂಗ್ರೆಸ್ ಮುಖಂಡರು ಆಪಾದಿಸಿದ್ದಾರೆ.ಅಂದ್ಹಾಗೆ ವಾರ್ಡ್ ಪುನರ್ ರಚನೆಯ ಕಂಪ್ಲೀಟ್ ಹಾಗೂ ಡೀಟೈಲ್ ವಿವರ ಕನ್ನಡ ಫ್ಲ್ಯಾಶ್ ನ್ಯೂಸ್ ನಲ್ಲಿ.

ಕ್ಷೇತ್ರ                               ಜನಸಂಖ್ಯೆ(2001)    ಜನಸಂಖ್ಯೆ(2019)         ವಾರ್ಡ್ ಸಂಖ್ಯೆ(2001)     ವಾರ್ಡ್ ಸಂಖ್ಯೆ(2019)         (ಸೇರ್ಪಡೆ:ಕಡಿತ)
-ಯಲಹಂಕ                        91294                171500                       04                               04                           00
-ಕೆ.ಆರ್ ಪುರ                      243050               447015                       09                              11                         +02
-ಯಶವಂತಪುರ                  108530               284476                       05                               07                          +02
-ರಾಜರಾಜೇಶ್ವರಿ ನಗರ         259166                457935                       09                              11                          +02
-ದಾಸರಹಳ್ಳಿ                       225995              445604                         08                              10                           +02
-ಮಹಾಲಕ್ಷ್ಮಿ ಲೇ ಔಟ್            2,44,397            314072                         07                               07                           00
-ಮಲ್ಲೇಶ್ವರಂ                      240899               243642                        07                                06                           -01
-ಹೆಬ್ಬಾಳ                           216977               282765                         08                                07                           -01
-ಪುಲಕೇಶಿನಗರ                   221549              261438                         07                                06                           -01
-ಸರ್ವಜ್ನನಗರ                    266283               375445                         08                                  09                         +01
-ಸಿವಿರಾಮನ್ ನಗರ              232651              300770                         07                                  07                          00
-ಶಿವಾಜಿನಗರ                      219480              211726                          07                                05                           -02
-ಶಾಂತಿನಗರ                      243408             252031                          07                                  06                           -01
-ಗಾಂಧೀನಗರ                    245074             248389                             07                               06                           -01
-ರಾಜಾಜಿನಗರ                   225627            232429                            07                                 05                          -02
-ಗೋವಿಂದರಾಜನಗರ          222124            305725                            09                                 07                           -02
-ವಿಜಯನಗರ                   253499             324375                             08                                 08                            00
-ಚಾಮರಾಜಪೇಟೆ              224892             237460                             07                                06                             -01
-ಚಿಕ್ಕಪೇಟೆ                      242264              234327                              07                               06                             -01
-ಬಸವನಗುಡಿ                   212308              243251                             06                               06                             00
-ಪದ್ಮನಾಭನಗರ              228620              306353                               08                             07                              -01
-ಬಿಟಿಎಂ ಲೇ ಔಟ್            252301             318678                                 08                              07                            -01
-ಜಯನಗರ                   206755              229088                                  07                           05                            -02
-ಮಹಾದೇವಪುರ             179838              431976                                 08                            10                              +02
-ಬೊಮ್ಮನಹಳ್ಳಿ               190861              436802                                  08                             10                           +02
-ಬೆಂಗಳೂರು (ದಕ್ಷಿಣ)        156441             401100                               07                            09                             +02
-ಆನೇಕಲ್                     21,410               71004                                 01
ಒಟ್ಟು ಕ್ಷೇತ್ರ(28)              58,40,155       84,43,675                                   198                       198                           198

 

ವಾರ್ಡ್ ಗಳ ಪುನರ್ ರಚನೆಯ ಹಿಂದೆ ಸಾಕಷ್ಟು ರಾಜಕೀಯ ಕಾರಣಗಳು ಇವೆ ಎನ್ನುವುದು ಸ್ಪಷ್ಟ. ಬಿಜೆಪಿ ತನ್ನ ಅಧಿಕಾರ ಸ್ಥಾಪನೆ ಉದ್ದೇಶದಲ್ಲಿ ತನ್ನ ರಾಜಕೀಯ ಲಾಭಕ್ಕೆ ವಾರ್ಡ್ ಗಳ ಹೆಚ್ಚುವರಿ ಸೇರ್ಪಡೆ ಹಾಗೂ ಕಡಿತದಂಥ ಆಲೋಚನೆಯನ್ನು ಅನುಷ್ಠಾನಕ್ಕೆ ತರುವಂಥ ಕೆಲಸ ಮಾಡಿದೆ ಎನ್ನುವುದು ಒಟ್ಟಾರೆ ಬೆಳವಣಿಗೆ ಗಮನಿಸಿದಾಗ ಗೊತ್ತಾಗುತ್ತೆ.ಕನ್ನಡ ಫ್ಲ್ಯಾಶ್ ನ್ಯೂಸ್ ಈ ನಿಟ್ಟಿನಲ್ಲಿ ಮಾಡಿರುವ ಒಂದಷ್ಟು ರಾಜಕೀಯ ವಿಶ್ಲೇಷಣೆ ಕೆಳಕಂಡಂತಿದೆ.

ವಾರ್ಡ್ ಪುನರ್ ರಚನೆ ಪ್ರಕ್ರಿಯೆಯಲ್ಲಿ ಬಿಜೆಪಿಗೆ ಪ್ಲಸ್ ಆಗಲಿರುವ ಕೆಲವು ಕ್ಷೇತ್ರಗಳನ್ನು ನೋಡೋದಾದ್ರೆ,

ಅರವಿಂದ ಲಿಂಬಾವಳಿ ಶಾಸಕರಾಗಿರುವ ಮಹಾದೇವಪುರ ಕ್ಷೇತ್ರಕ್ಕೆ 2 ವಾರ್ಡ್ ಸೇರ್ಪಡೆಯಾಗಿದೆ.ಸತೀಶ್ ರೆಡ್ಡಿ ಶಾಸಕರಾಗಿರುವ  ಬೊಮ್ಮನಹಳ್ಳಿ ಕ್ಷೇತ್ರಕ್ಕೆ 2 ವಾರ್ಡ್,ಎಂ.ಕೃಷ್ಣಪ್ಪ ಶಾಸಕರಾಗಿರುವ ಬೆಂಗಳೂರು ದಕ್ಷಿಣ ವಿಧಾನಸಭಾ ಕ್ಷೇತ್ರಕ್ಕೆ 2 ವಾರ್ಡ್,ಭೈರತಿ ಬಸವರಾಜ್ ಎಮ್ಮೆಲ್ಲೆಯಾಗಿರುವ ಕೆ.ಆರ್ ಪುರಂ ಕ್ಷೇತ್ರಕ್ಕೆ 2 ವಾರ್ಡ್  ಹಾಗೂ ಸಚಿವ ಎಸ್ ಟಿ ಸೋಮಶೇಖರ್ ಶಾಸಕರಾಗಿರುವ ಯಶವಂತಪುರ ವಿಧಾನಸಭಾ ಕ್ಷೇತ್ರಕ್ಕೆ ಹೆಚ್ಚುವರಿ 2 ವಾರ್ಡ್ ಸೇರ್ಪಡೆಯಾದಂತಾಗಿದೆ.

ಪ್ಲಸ್ ಆಗಿರುವ ಬಿಜೆಪಿ ಕ್ಷೇತ್ರಗಳು

ಕ್ಷೇತ್ರ                               ಶಾಸಕ –              ಹೆಚ್ಚುವರಿ ಸೇರ್ಪಡೆಯಾಗಿರುವ ವಾರ್ಡ್ ಗಳು 

ಮಹಾದೇವಪುರ                 ಅರವಿಂದ ಲಿಂಬಾವಳಿ     -2 ವಾರ್ಡ್

ಬೊಮ್ಮನಹಳ್ಳಿ                    ಸತೀಶ್ ರೆಡ್ಡಿ                -2 ವಾರ್ಡ್

ಬೆಂಗಳೂರು ದಕ್ಷಿಣ              ಎಂ .ಕೃಷ್ಣಪ್ಪ                 -2 ವಾರ್ಡ್

-ಕೆ.ಆರ್ ಪುರಂ                   ಭೈರತಿ ಬಸವರಾಜ್      -2 ವಾರ್ಡ್

-ಯಶವಂತಪುರ                ಎಸ್ ಟಿ ಸೋಮಶೇಖರ್  -2 ವಾರ್ಡ್

ಬಿಜೆಪಿಗೆ ಕಂಪೇರ್ ಮಾಡಿದ್ರೆ ಕಾಂಗ್ರೆಸ್ ಗೆ ಕೇವಲ ಮಾಜಿ ಸಚಿವ ಕೃಷ್ಣೇ ಭೈರೇಗೌಡ ಶಾಸಕರಾಗಿರುವ ಬ್ಯಾಟರಾಯನಪುರ ಕ್ಷೇತ್ರಕ್ಕೆ 2 ವಾರ್ಡ್ ಹಾಗೂ ಮಾಜಿ ಸಚಿವ ಕೆ.ಜೆ ಜಾರ್ಜ್ ಶಾಸಕರಾಗಿರುವ ಸರ್ವಜ್ನ ನಗರ ಕ್ಷೇತ್ರಕ್ಕೆ ಒಂದು ವಾರ್ಡ್ ಮಾತ್ರ ಸೇರ್ಪಡೆಯಾಗಿದೆ.ಏಕೈಕ ಜೆಡಿಎಸ್ ಎಮ್ಮೆಲ್ಲೆ ಮಂಜುನಾಥ್ ಇರುವ ದಾಸರಹಳ್ಳಿ ಕ್ಷೇತ್ರಕ್ಕೆ ಹೆಚ್ಚುವರಿ 2 ವಾರ್ಡ್ ಸೇರ್ಪಡೆಯಾಗಿದೆ.

ಇನ್ನು ವಾರ್ಡ್ ಪುನರ್ ರಚನೆಯಲ್ಲಿ  ಕೈ ಶಾಸಕರಿಗೇನೆ ಹೆಚ್ಚು ನಷ್ಟವಾಗಿದೆ.

ಕ್ಷೇತ್ರ                                      ಶಾಸಕ                          ಕಡಿತಗೊಂಡಿರುವ ವಾರ್ಡ್ 

-ಗೋವಿಂದರಾಜನಗರ               -ವಿ.ಸೋಮಣ್ಣ                    -2 ವಾರ್ಡ್
-ರಾಜಾಜಿನಗರ                        -ಸುರೇಶ್ ಕುಮಾರ್             -2 ವಾರ್ಡ್
-ಮಲ್ಲೇಶ್ವರಂ                          -ಡಾ.ಅಶ್ವತ್ಥನಾರಾಯಣ         -1 ವಾರ್ಡ್
-ಚಿಕ್ಕಪೇಟೆ                             -ಉದಯ ಗರುಡಾಚಾರ್        -1 ವಾರ್ಡ್
-ಪದ್ಮನಾಭನಗರ                     -ಆರ್.ಅಶೋಕ್                  -1 ವಾರ್ಡ್

ವಾರ್ಡ್ ಪುನರ್ ರಚನೆಯಿಂದ ಬಿಜೆಪಿ ಮಟ್ಟದಲ್ಲಿ ಹೆಚ್ಚು ನಷ್ಟವಾಗ್ತಿರುವುದು ಸಚಿವರಾದ ಸೋಮಣ್ಣ ಹಾಗೂ ಸುರೇಶ್ ಕುಮಾರ್ ಅವರಿಗೆ.ಏಕೆಂದ್ರೆ  ಸಚಿವ ವಿ.ಸೋಮಣ್ಣ ಶಾಸಕರಾಗಿರುವ ಗೋವಿಂದರಾಜ ನಗರ ಕ್ಷೇತ್ರ ಹಾಗೂ ಸಚಿವ ಸುರೇಶ್  ಕುಮಾರ್ ಶಾಸಕರಾಗಿರುವ ರಾಜಾಜಿನಗರ ಕ್ಷೇತ್ರ 2 ವಾರ್ಡ್ ಕಳೆದುಕೊಳ್ತಿದೆ.ಇನ್ನು ಡಿಸಿಎಂ ಅಶ್ವತ್ಥನಾರಾಯಣ ಅವರ ಮಲ್ಲೇಶ್ವರಂ, ಶಾಸಕ ಉದಯ ಗರುಡಾಚಾರ್ ಪ್ರತಿನಿಧಿಸುವ ಚಿಕ್ಕಪೇಟೆ ಹಾಗೂ ಸಚಿವ ಆರ್.ಅಶೋಕ್ ಪ್ರತಿನಿಧಿಸುವ ಪದ್ಮನಾಭನಗರ ಕ್ಷೇತ್ರ ತಲಾ 1 ವಾರ್ಡ್ ಕಳೆದುಕೊಳ್ಳಲಿದೆ.

ಕ್ಷೇತ್ರ                       ಶಾಸಕರು                              ಕಡಿತಗೊಳ್ಳಲಿರುವ ವಾರ್ಡ್ ಸಂಖ್ಯೆ

-ಜಯನಗರ-               ಸೌಮ್ಯ ರೆಡ್ಡಿ                         -2 ವಾರ್ಡ್
-ಶಿವಾಜಿನಗರ-             ರಿಜ್ವಾನ್ ಅರ್ಷದ್-                 2 ವಾರ್ಡ್
-ಶಾಂತಿನಗರ-            ಹ್ಯಾರೀಸ್-                            1ವಾರ್ಡ್
-ಗಾಂಧೀನಗರ-           ದಿನೇಶ್ ಗುಂಡೂರಾವ್           -1 ವಾರ್ಡ್
-ಹೆಬ್ಬಾಳ-                 ಭೈರತಿ ಸುರೇಶ್-                    1 ವಾರ್ಡ್
-ಪುಲಕೇಶಿನಗರ-         ಅಖಂಡ ಶ್ರೀನಿವಾಸ ಮೂರ್ತಿ     -1 ವಾರ್ಡ್
-ಚಾಮರಾಜಪೇಟೆ-      ಜಮೀರ್ ಅಹಮದ್                 -1 ವಾರ್ಡ್
-ಬಿಟಿಎಂ ಲೇ ಔಟ್-     ರಾಮಲಿಂಗಾರೆಡ್ಡಿ                     -1 ವಾರ್ಡ್

ಆದ್ರೆ ವಾರ್ಡ್ ಪುನರ್ ರಚನೆಯ ನಷ್ಟ ಉಂಟಾಗುವುದು ಅತೀ ಹೆಚ್ಚು ಕಾಂಗ್ರೆಸ್ ಶಾಸಕರಿಗೆ ಏಕೆಂದ್ರೆ ಸೌಮ್ಯ ರೆಡ್ಡಿ ಪ್ರತಿನಿಧಿಸುವ ಜಯನಗರ, ರಿಜ್ವಾನ್ ಅರ್ಷದ್ ಪ್ರತಿನಿಧಿಸುವ ಶಿವಾಜಿನಗರ ಕ್ಷೇತ್ರಗಳು ತಲಾ 2 ವಾರ್ಡ್ ಕಳೆದುಕೊಳ್ಳಲಿವೆ.ಇನ್ನು ಹ್ಯಾರೀಸ್ ಶಾಸಕರಾಗಿರುವ ಶಾಂತಿನಗರ,ದಿನೇಶ್ ಗುಂಡೂರಾವ್ ಶಾಸಕರಾಗಿರುವ ಗಾಂಧೀನಗರ,ಭೈರತಿ ಸುರೇಶ್ ಪ್ರತಿನಿಧಿಸುವ ಹೆಬ್ಬಾಳ, ಅಖಂಡ ಶ್ರೀನಿವಾಸ ಮೂರ್ತಿ ಪ್ರತಿನಿಧಿಸುವ ಪುಲಕೇಶಿನಗರ, ಜಮೀರ್ ಅಹಮದ್ ಅವರ ಚಾಮರಾಜಪೇಟೆ ಮತ್ತು ರಾಮಲಿಂಗಾರೆಡ್ಡಿ ಪ್ರತಿನಿಧಿಸುವ ಬಿಟಿಎಂ ಲೇ ಔಟ್ ಕ್ಷೇತ್ರಗಳು ತಲಾ ಒಂದು ವಾರ್ಡ್ ಕಳೆದುಕೊಳ್ಳುತ್ತಿವೆ.ಮಾಜಿ ಮೇಯರ್ ಗಳಾದ ಗಂಗಾಂಬಿಕೆ ಮಲ್ಲಿಕಾರ್ಜುನ್, ಪದ್ಮಾವತಿ ಅವರ ವಾರ್ಡ್ ಗಳನ್ನೇ ಡಿಲೀಟ್ ಮಾಡಿರುವುದರ ಬಗ್ಗೆ ವ್ಯಾಪಕ ಆಕ್ರೋಶ ಕೂಡ ವ್ಯಕ್ತವಾಗಿದೆ.

ಈ ಕ್ಷೇತ್ರಗಳಲ್ಲಿ ಯಾವುದೇ ವಾರ್ಡ್ ಗಳೇಕೆ ಡಿಲೀಟ್ ಆಗಿಲ್ಲ..ಈ ನಡುವೆ ಕೆಳಕಂಡ ಬೆಳವಣಿಗೆ ಮಾತ್ರ ಪಕ್ಕಾ ರಾಜಕೀಯ ಎನಿಸುತ್ತೆ.ಏಕೆಂದ್ರೆ ಒಂದೇ ಒಂದು ವಾರ್ಡ್ ನ್ನು ಬದ್ಲಿಸದೆ ಯಥಾಸ್ಥಿತಿಯನ್ನೇ ಮುಂದುವರೆಸಲಾಗಿದೆ.ಆ ಪೈಕಿ 4 ವಾರ್ಡ್ ಗಳಿರುವ ಶಾಸಕ ವಿಶ್ವನಾಥ್ ಅವರ ಯಲಹಂಕ,ಸಚಿವ ಕೆ.ಗೋಪಾಲಯ್ಯ ಅವರು ಪ್ರತಿನಿಧಿಸುವ ಮಹಾಲಕ್ಷ್ಮಿ ಲೇ ಔಟ್ ನ 7 ವಾರ್ಡ್,ರವಿ ಸುಬ್ರಮಣ್ಯ ಶಾಸಕರಾಗಿರುವ 6 ವಾರ್ಡ್ ಗಳುಳ್ಳ ಬಸವನಗುಡಿ ಕ್ಷೇತ್ರ,ಎಂ.ಕೃಷ್ಣಪ್ಪ ಶಾಸಕರಾಗಿರುವ ವಿಜಯನಗರ ಕ್ಷೇತ್ರದ 8 ವಾರ್ಡ್ ಹಾಗೂ  ಶಾಸಕ ರಘು ಅವ್ರು ಪ್ರತಿನಿಧಿಸುವ ಸಿ.ವಿ.ರಾಮನ್ ನಗರ ಕ್ಷೇತ್ರದ 7 ವಾರ್ಡ್ ಗಳಲ್ಲಿ ಒಂದೇ ಒಂದು ವಾರ್ಡನ್ನು ಕಡ್ಮೆ ಮಾಡುವ ಗೋಜಿಗೇನೆ ಬಿಜೆಪಿ ಸರ್ಕಾರ ಹೋಗಿಲ್ಲ.

ಇದೆಲ್ಲದರ ನಡುವೆ ಹೊಸ ವಾರ್ಡ್ ಗಳನ್ನು ಕೂಡ ಅಸ್ಥಿತ್ವಕ್ಕೆ ತರಲಾಗಿದೆ.ಅವು ಯಾವೆಂದು ನೋಡೋದಾದ್ರೆ,

-ಹೊಸದಾಗಿ ಅಸ್ಥಿತ್ವಕ್ಕೆ ಬಂದಿರುವ ವಾರ್ಡ್ ಗಳು
-ವಾರ್ಡ್ ಹೆಸರು                                   ವಾರ್ಡ್ ನಂಬರ್
-ಬೆಟ್ಟಹಳ್ಳಿ                                                 03
ಕೋಗಿಲು                                                  05
-ಗುಂಡಾಂಜನೇಯ ದೇವಸ್ಥಾನ ವಾರ್ಡ್-           08
-ರಾಮಚಂದ್ರಾಪುರ ವಾರ್ಡ್                          13
-ಬಾಹುಬಲಿ ನಗರ                                      20
-ಚಳ್ಳಕೆರೆ                                                30
-ಕಲ್ಕೆರೆ                                                  32
-ಸುಂಕದಕಟ್ಟೆ                                          74
-ಬ್ಯಾಡರಹಳ್ಳಿ                                          75
-ಮಲ್ಲತ್ ಹಳ್ಳಿ                                         77
-ವೈಟ್ ಫೀಲ್ಡ್-                                        97
-ಅಮರ್ ಜ್ಯೋತಿನಗರ-                           120
-ಕೆಂಗುಂಟೆ-                                          121
-ಕಲ್ಯಾಣನಗರ-                                     122
-ನಾಗದೇವನಹಳ್ಳಿ-                                 147
-ವರ್ತೂರ್-                                         167
-ದೊಡ್ಡಕನ್ನಳ್ಳಿ-                                     168
-ಧರ್ಮಗಿರಿ ಶ್ರೀ ಮಂಜುನಾಥಸ್ವಾಮಿ
ದೇವಾಲಯ ವಾರ್ಡ್                              177
-ಸುಬ್ರ,ಮಣ್ಯಪುರ-                                181
-ಚುಂಚಘಟ್ಟ-                                      187
-ನಾಗನಾಥಪುರ-                                 191
-ದೇವರಚಿಕ್ಕನಹಳ್ಳಿ-                              193
-ಕಾಳೇನ ಅಗ್ರಹಾರ-                             195

ಇನ್ನು ಇದೆಲ್ಲಕ್ಕೂ ಸಂಬಂಧಿಸಿದಂತೆ ಆಕ್ಷೇಪಣೆ ಸಲ್ಲಿಸೊಕ್ಕೆ ಕೂಡ ಅವಕಾಶ ಕಲ್ಪಿಸಲಾಗಿದೆ.15 ದಿನಗಳೊಳಗೆ ನಗರಾಭಿವೃದ್ದಿ ಇಲಾಖೆಗೆ ಆಕ್ಷೇಪಣೆ ಸಲ್ಲಿಸಬಹುದಾಗಿದೆ.ಇದನ್ನು ಪರಿಗಣಿಸಿ ಅಂತಿಮವಾಗಿ ಅಧಿಸೂಚನೆ ಹೊರಡಿಸುವ ಅಧಿಕಾರವೂ ನಗರಾಭಿವೃದ್ದಿ ಇಲಾಖೆಗಿದೆ.  

Spread the love
Leave A Reply

Your email address will not be published.

Flash News