ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲಿ ‘ನಂಬರ್ 7’ ಎಂದರೆ ಅದು ಎಂ.ಎಸ್. ಧೋನಿ (ms dHONI) ಎಂದೇ ಅರ್ಥ. ಕಳೆದ ಎರಡು ದಶಕಗಳಿಂದ ಧೋನಿ ಬೆನ್ನ ಹಿಂದೆ ರಾರಾಜಿಸುತ್ತಿದ್ದ ಈ ಸಂಖ್ಯೆ ಈಗ ಬದಲಾಗಲಿದೆಯೇ? ಎಂಬ ಪ್ರಶ್ನೆ ಈಗ ಇಂಟರ್ನೆಟ್ನಲ್ಲಿ ಸಖತ್ ಸದ್ದು ಮಾಡುತ್ತಿದೆ. ಚೆನ್ನೈ ಸೂಪರ್ ಕಿಂಗ್ಸ್ (CSK) ತಂಡದ ಕಿಟ್ನಲ್ಲಿ ಧೋನಿ ಹೆಸರಿನ ಮೇಲೆ ‘ನಂಬರ್ 8’ ಇರುವ ಫೋಟೋವೊಂದು ವೈರಲ್ ಆಗಿರುವುದೇ ಈ ಎಲ್ಲಾ ಚರ್ಚೆಗಳಿಗೆ ಮೂಲ ಕಾರಣ.
ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಫೋಟೋದಲ್ಲಿ ಜೆರ್ಸಿಯ ಮೇಲೆ ‘DHONI’ ಎಂಬ ಹೆಸರಿದ್ದು, ಅದರ ಕೆಳಗೆ ‘8’ ಎಂಬ ಸಂಖ್ಯೆಯಿದೆ. ಕೆಲವರು ಇದು ಕೇವಲ ಫೋಟೋಶಾಪ್ ಅಥವಾ ಯಾವುದೋ ಜಾಹೀರಾತು ಚಿತ್ರೀಕರಣಕ್ಕಾಗಿ ಬಳಸಿದ ಜೆರ್ಸಿ ಎನ್ನುತ್ತಿದ್ದಾರೆ.
ಇನ್ನು ಕೆಲವರು ಧೋನಿ ತಮ್ಮ ವೃತ್ತಿಜೀವನದ ಅಂತಿಮ ಹಂತದಲ್ಲಿ ಏನಾದರೂ ವಿಶೇಷ ಬದಲಾವಣೆಗಾಗಿ ಸಂಖ್ಯಾಶಾಸ್ತ್ರದ ಮೊರೆ ಹೋಗಿದ್ದಾರೆಯೇ ಎಂದು ವಿಶ್ಲೇಷಿಸುತ್ತಿದ್ದಾರೆ.
ಧೋನಿ ಸಿಎಸ್ಕೆ ತಂಡದ ಮೆಂಟರ್ ಅಥವಾ ನಿರ್ದಿಷ್ಟ ಪಾತ್ರದಲ್ಲಿ ಇದು ಎಂಟನೇ ಮಹತ್ವದ ಘಟ್ಟ ಎಂಬುದನ್ನು ಇದು ಸೂಚಿಸುತ್ತಿರಬಹುದು ಎಂಬುದು ಮತ್ತೊಂದು ವಾದ.
ನಂಬರ್ 7 ರ ಗತ್ತು ಮತ್ತು ಬಿಸಿಸಿಐ ನಿರ್ಧಾರ
ಎಂ.ಎಸ್. ಧೋನಿ ಕ್ರಿಕೆಟ್ಗೆ ನೀಡಿದ ಕೊಡುಗೆಯನ್ನು ಗೌರವಿಸಿ ಬಿಸಿಸಿಐ (BCCI) ಈಗಾಗಲೇ ‘ನಂಬರ್ 7’ ಜೆರ್ಸಿಯನ್ನು ನಿವೃತ್ತಿಗೊಳಿಸಿದೆ. ಸಚಿನ್ ತೆಂಡೂಲ್ಕರ್ ಅವರ ನಂಬರ್ 10 ರ ನಂತರ ಈ ಗೌರವ ಪಡೆದ ಎರಡನೇ ಆಟಗಾರ ಧೋನಿ. ಇಂತಹ ಸಂದರ್ಭದಲ್ಲಿ ಧೋನಿ ಅವರು ಸಂಖ್ಯೆ ಬದಲಾಯಿಸುವುದು ತಾರ್ಕಿಕವಾಗಿ ಅಸಾಧ್ಯವೆಂದು ಅನೇಕ ಕ್ರಿಕೆಟ್ ಪಂಡಿತರು ಅಭಿಪ್ರಾಯಪಡುತ್ತಾರೆ.
ಇದನ್ನೂ ಓದಿ | ಪಾಕ್ ಆಟಗಾರನ ಖರೀದಿಸಿದ ಸನ್ ರೈಸರ್ಸ್: ಭಾರತದಲ್ಲಿ ಭುಗಿಲೆದ್ದ ಪ್ರತಿರೋಧ
ಆದರೆ, ಐಪಿಎಲ್ ಹರಾಜು ಮತ್ತು ಹೊಸ ಸೀಸನ್ ಹತ್ತಿರ ಬರುತ್ತಿರುವಾಗ ಇಂತಹ ವದಂತಿಗಳು ಸಹಜ. ಮೂಲಗಳ ಪ್ರಕಾರ, ವೈರಲ್ ಆಗಿರುವ ಆ ಫೋಟೋ ಯಾವುದೋ ಒಂದು ಬ್ರ್ಯಾಂಡ್ ಪ್ರಚಾರದ ಭಾಗವಾಗಿರಬಹುದು ಅಥವಾ ಶೂಟಿಂಗ್ ಸೆಟ್ನಿಂದ ಸೋರಿಕೆಯಾಗಿರುವ ದೃಶ್ಯವಿರಬಹುದು.